TITUS
Slovo o polku Igoreve (critical ed.)
Part No. 12
Previous part

Chapter: 12 
Chapter 12 Link to igorsh


Paragraph: 68    Чьто ми шюмить, чьто ми звьнить?

Paragraph: 69    Давечя рано прѣдъ <передъ> зорями Игорь пълкы заворочяеть, жяль бо ему мила брата Вьсеволода.

Paragraph: 70    Бишя ся дьнь, бишя ся другыи, - третияго дьне къ полудьнию падошя стязи Игореви.

Paragraph: 71    Ту ся брата разлучиста <роз-> на брѣзѣ <березѣ> быстрыѣ Каялы.

Paragraph: 72    Ту кръваваго вина не доста.

Paragraph: 73    Ту пиръ доконьчяшя храбрии <хоробрии> Русичи: сваты попоишя, а сами полегошя за землю Русьскую.

Paragraph: 74    Ничить трава жялощями, а дрѣво <дерево> ся тугою къ земли прѣклонило.

Paragraph: 75    Уже бо, братие, невеселая подина въстала, уже ппоустыни силу прикрыла.

Paragraph: 76    Въстала обида въ силахъ Дажьбожя вънука; въступила дѣвою на землю Трояню; въсплескала лебедиными крилы на синимь мори, у Дону, - плещючи убуди жирьна врѣмена <веремена> усобицѣ.

Paragraph: 77    Къняземъ на поганыѣ побѣда погыбе, рекоста бо братъ брату "се мое, а то мое же", и начяшя кънязи про малое "се великое" мълвити, а сами на себе <*ся> крамолу <коромолу> ковати.

Paragraph: 78    А погании съ вьсѣхъ странъ <сторонъ> прихожяху съ побѣдами на землю Русьскую.



Next part


This text is part of the TITUS edition of Slovo o polku Igoreve (critical ed.).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.