TITUS
Slovo o polku Igoreve (critical ed.)
Part No. 11
Previous part

Chapter: 11 
Chapter 11 Link to igorsh


Paragraph: 57    Были сѣчѣ Троянѣ, минула лѣта Ярославля; были пълци Ольгови, Ольга Святославичя.

Paragraph: 58    Тъи бо Ольгъ мечьмь крамолу <коромолу> коваше и стрѣлы по земли сѣяше.

Paragraph: 59    Ступаеть въ златъ <золотъ> стремень въ градѣ <городѣ> Тъмуторокани.

Paragraph: 60    Тъ же звонъ слышя давьныи великыи Ярославъ.

Paragraph: 61    А сынъ Вьсеволожь Владимѣръ <Володи-> по вься утра уши закладаше въ Чьрниговѣ.

Paragraph: 62    Бориса же Вячеславичя слава на Судъ приведе и на ковылу зелену паполому постьла за обиду Ольгову, храбра <хоробра> и млада кънязя.

Paragraph: 63    Съ тоѣ же ковылы Святопълкъ полилѣя отьця своего межю Угорьскыми иноходьци къ святѣи Софии къ Кыеву.

Paragraph: 64    Тъгда, при Ользѣ Горславичи, сѣяшеть ся и растяшеть <рост-> усобицями; погыбашеть жизнь Дажьбожя вънука, въ къняжихъ крамолахъ <коромолахъ> вѣци человѣкомъ съкратишя <-коротишя> ся.

Paragraph: 65    Тъгда по Русьскои земли рѣдъко ратаеве <*ратаи> кликаху, нъ чясто врани <борони> граяху, трупия себѣ <собѣ> дѣляче, а галицѣ свою рѣчь говоряху: хотять полетѣти на уѣдие!

Paragraph: 66    То было въ ты рати и въ ты пълкы, а сицеѣ рати не слышяно: съ зарания до вечера, съ вечера до свѣта летять стрѣлы каленыѣ, гримлють саблѣ о шеломы, трѣщять копия харалужьная.

Paragraph: 67    Въ поли незнаемѣ, срѣдѣ <середѣ> землѣ Половьчьскыѣ, чьрна земля подъ копыты костьми была посѣяна, а кръвию полияна: тугою възъидошя по Русьскои земли.



Next part


This text is part of the TITUS edition of Slovo o polku Igoreve (critical ed.).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.