TITUS
Denkard Book 5
Part No. 12
Previous part

Chapter: 12  
Paragraph: 1     abar šōyišn ī tan ud yōǰdahrēnīdan ī az nasuš ud dāštan ī andar pākīh kū az awiš gumēxtagīh ud ālūdagīh.

Paragraph: 2     ud abar pahikaftagīh ī har dō ēwēnag murdag ēk nasā ud ēk abārīg hixr čiyōn daštān ud šusar ud xūn ud mēšag ud xayūg ud abārīg ī az mardōm ud sag ud abārīg gyānwar ī rēman ud pit <ī> andar zīndagīh bahrīhā mīrēd.

Paragraph: 3     pad pākkarīh ud pākīh <ī> āb ud kam-ālāyišnīh ud kam-āzārīh ud pahrēz ī āb <ī> tan čiyōn tanōmandān ān gumēzag ud kam ōšmārāg ālūdagīh ī-š hambadīg ān ī kam ālūdag āb čiyōn gōmēz ayāb urwar tōhmag.

Paragraph: 4     šustan az ēwēnagān ī šōyišn ast ī nāmčišt ēn

Paragraph: 5     daštān pas az se šabag ud a-paydāgīh ī ān ālūdagīh ud pād<an> ī *tāyag ī rōzān šabān ud abestāg nērangīg +nask-ē (?).

Paragraph: 6     ud nasā gumēzišn ud abārīg kē pad nasā rēman pas az gugārišn ī andarōnīg ud a-paydāgīh ī bērōnīg čēgām-iz ālūdagīh.

Paragraph: 7     ud dast <ī> šabēn har rōz andar bāmī ud pad-iz pih(w)-gāh ud ka ō niyāyišn +šawēd ōh-iz ān ī kē pad barsom.

Paragraph: 8     hamāg tan wastargaz har ēwēnag hixr ud rōzgārīg-iz tan wastarg ud gyāg ud har čiš pāk dāštan ud az ālūdagīh pahrēxtan.

Page of ed.: 50 
Next part


This text is part of the TITUS edition of Denkard Book 5.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.