TITUS
Slovo o polku Igoreve (critical ed.)
Part No. 27
Previous part

Chapter: 27 
Chapter 27 Link to igorsh


Paragraph: 184    Прысну море полунощи <-ночи>, идуть смърци: мьглами Игореви кънязю Богъ путь кажеть и - землѣ Половьчьскыѣ на землю Русьскую, къ отьню злату <золоту> столу.

Paragraph: 185    Погасошя вечеру зарѣ: Игорь съпить, Игорь бъъдить, Игорь мыслию поля мѣрить отъ Великого Дону до Малаго Доньця.

Paragraph: 186    Комонь явъ, полуночи Вълуръ свисну за рѣкою: велить кънязю разумѣти <роз->: кънязю Игорю не быти кладьнику </колодьнику>.

Paragraph: 187    Стукну земля, въшюмѣ трава, вежи ся Половьчьскыѣ полвизашя.

Paragraph: 188    А Игорь кънязь поскощи горностаемь къ тръстию и бѣлымь гогольмь на воду.

Paragraph: 189    Въвьрже ся на бьрзъ комонъ и съскочи съ него босымь вълкъмь.

Paragraph: 190    И потече къ лугу Доньця, и полетѣ соколъмь подъ мьглами, избивая гуси и лебеди завътроку и обѣду и ужинѣ.

Paragraph: 191    Коли Игорь соколъмь полетѣ, тъгда Вълуръ вълкъмь потече, труся собою стуленую росу: прѣтьргоста <пере-> бо своя бързая комоня.



Next part


This text is part of the TITUS edition of Slovo o polku Igoreve (critical ed.).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.