TITUS
Slovo o polku Igoreve (critical ed.)
Part No. 26
Previous part

Chapter: 26 
Chapter 26 Link to igorsh


Paragraph: 168    Ярославьны ми ся гласъ <голосъ> слышить: зегъзицею земли незнаемѣ рано кычеть.

Paragraph: 169    "Полечю - рече - зегъзицею по Донови </Дынаеви>.

Paragraph: 170    "Омочю бебрянъ рукавъ въ Каялы рѣцѣ.

Paragraph: 171    "Утьру кънязю кръвавыѣ его раны на жестоцѣмь его тѣлѣ."

Paragraph: 172    Ярославьна рано плачеть въ Путивли на забралѣ <заборолѣ> рькучи:

Paragraph: 173    "О вѣтре, вѣтрило! чему, господине, насильно вѣеши?

Paragraph: 174    "Чему мычеши Хыновьскыѣ стрѣлъкы на своею нетрудьною крильцю на моеѣ лады воѣ?

Paragraph: 175    "Мало ли ти бяшеть горѣ подъ облакы <оболокы> вѣяти, лелѣючю кораблѣ на сини мори?

Paragraph: 176    "Чему, господине, мое веселие по ковылию развѣя <роз->?"

Paragraph: 177    Ярославьна рано плачеть Путивли городѣ на заборолѣ рькучи:

Paragraph: 178    "О Дънѣпре Словутичю! пробилъ еси камяныѣ горы сквозѣ землю Половьчьскую.

Paragraph: 179    "Лелѣялъ еси на себѣ <собѣ> Святославлѣ насады до пълку Кобякова.

Paragraph: 180    "Възлелѣи, господине, мою ладу къ мънѣ, абыхъ не сълала къ нему сльзъ на море рано!"

Paragraph: 181    Ярославьна рано плачеть Путивли на забралѣ <заборолѣ> рькучи:

Paragraph: 182    "Свѣтьлое и трьсвѣтьлое сълньце! вьсѣмъ тепло и красьно еди.

Paragraph: 183    "Чему, господине, простьре горячюю свою лучю на лады воѣ, въ поли безводьнѣ жяжею имь лукы съпряже, тугою имъ тулы затьче?"



Next part


This text is part of the TITUS edition of Slovo o polku Igoreve (critical ed.).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.