TITUS
Slovo o polku Igoreve (critical ed.)
Part No. 23
Previous part

Chapter: 23 
Chapter 23 Link to igorsh


Paragraph: 143    Уже бо Сула не течеть сребрьными <серебр-> струями граду <городу> Переяславлю, и Двина болотъмь течеть онымъ грозьнымъ Полочяномъ подъ кликъмь поганыхъ.

Paragraph: 144    Единъ <одинъ> же Изяславъ, сынъ Васильковъ, позвони своими острыми мечи о шеломы Литъвьскыѣ, притрепа славу дѣду своему Вьсеславу, а самъ падъ подъ чьрвлеными щиты на кръвавѣ травѣ, притрепанъ Литъвьскыми мечи, чи съ хотию на кровать.

Paragraph: 145    И реклъ Боянъ:

Paragraph: 146    "Дружину твою, къняже, пътичь крилы приодѣ, а звѣри <*звѣрие> кръвь полизашя."

Paragraph: 147    Не бысть ту брата Брячислава, ни другаго - Вьсеволода: единъ <одинъ> же изрони жьньчюжьну душю ис храбра <хоробра> тѣла чрѣсъ <чересъ> злато <золото> ожерелие.

Paragraph: 148    Уныли голоси, пониче веселие, - трубы трубять Городьчьскыѣ.

Paragraph: 149    Ярославе и вьси вънуци Вьсеславли! уже понизити стязи свои, въньзити свои мечи вережени.

Paragraph: 150    Уже бо выскочисте из дѣдьнѣѣ славы.

Paragraph: 151    Вы бо своими крамолами <коромолами> начясте наводити поганыѣ на землю Русьскую, на жизнь Вьсеславлю.

Paragraph: 152    Которою бо бяше насилие отъ землѣ Половьчьскыѣ на седмомь <семомь> вѣцѣ земли Трояни.



Next part


This text is part of the TITUS edition of Slovo o polku Igoreve (critical ed.).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.