TITUS
Slovo o polku Igoreve (critical ed.)
Part No. 15
Previous part

Chapter: 15 
Chapter 15 Link to igorsh


Paragraph: 100    И рекошя бояре кънязю:

Paragraph: 101    "Уже, къняже, туга умъ полонила.

Paragraph: 102    "Се бо дъва сокола сълетѣста съ отьня стола злата <золота> поискати града <города> Тъмутороканя, а любо испити шеломъмь Дону: уже соколома крильця припѣшяли поганыхъ саблями, а самою опуташя въ путины желѣзны.

Paragraph: 103    "Тьмьно бо бѣ въ третии дьнь: дъвѣ сълньци помьркоста, оба багряная стълпа погасоста и въ мори ся погрузиста, и съ нима молодая мѣсяця тьмою ся поволокоста.

Paragraph: 104    "На рѣцѣ на Каялы тьма свѣтъ покрыла.

Paragraph: 105    "По Русьскои земли простьрошя ся Половьци, акы пардуше гнѣздо, и великое буиство подасть Хынови.

Paragraph: 106    "Уже сънесе ся хула на хвалу.

Paragraph: 107    "Уже трѣсну нужя на волю.

Paragraph: 108    "Уже вьрже ся Дивъ на землю.

Paragraph: 109    "Се бо Гътьскыѣ красьныѣ дѣвы въспѣшя на брѣзѣ <березѣ> синему морю: звонячѣ Русьскымь златъмь <золотъмь>, поють врѣмя <веремя> бусово, лелѣють мьсть Шяроканю.

Paragraph: 110    "А мы уже, дружина, жядьни веселия."



Next part


This text is part of the TITUS edition of Slovo o polku Igoreve (critical ed.).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.