TITUS
Denkard Book 5
Part No. 18
Previous part

Chapter: 18  
Paragraph: 1     abar xwēdōdah kū

Paragraph: 2     kē a-kunišnīh pahikārēd pēšēmālīh <ud> ēwarīg paydāgēnīdan ī čim <ī> čimīg ud padiš griftār <ud> ān ēč ēwēnag nē <b>ōxt (?) tā pad kunišnīh.

Paragraph: 3     čim <ī> mardōm warzišnīh-iz [ī] az bun pad ham ēwēnag az dādār ēdōn dahišnīhā ōstīgān paydāgīhā.

Paragraph: 4     pasēmālīg-+dārišnīh padiš bowandag ud pas niger-uzmūdagīh [ī].

Paragraph: 5     pad-iz hu-dahišnīh abzāyišn [ī] pad ān ōwōn bun warzišnīh az ēk ō was-maragīh madan ud meh xwarrahīh [ud] meh xwēškārīh ud abārīg wehīh ud pahlomīh ī mardōmān tā-šān amaragānīhā im warzišn drust dāšt[an].

Page of ed.: 58 
Paragraph: 6     hu-kārīh ī paywand ud xūb paywastārīh ud kam-wizendīh[ā] ud xūb-dārišnīh ī mihr ud weh-parwarišnīh ī frazdandān ud weh pānagīh ī zahagān pad dō-bandīg xwēšāwandīh ud hunsandīh ī-šān ēk abar did ud hu-sāzagīh ī-šān āgenēn ud 'k'lškyh (?) ud hu-kadagīgīh ī-šān xwēš zādagān ham pad tan būm ud ham pad zamīg būm ud ham dōgānag dōšārmīh ī ō ham ham pādan ī hamē ka-z ēk whwkylyt' ēk pad dēn +menišnīh menišnīh ī-šān ēk abar did.

Paragraph: 7     ud kē nang nigerēd abē-nangīh-iz ī az ān frāz šawišnīh ī bēgānag kas awiš.

Paragraph: 8     ud garān tarsišn ud zanišn mardōm ī dušmen ud dēwān az dīd<an> ī ēd ōwōn nēkīh.

Paragraph: 9     ud was-ēmēdīh ud abārīg xūbīh ud paydāg-sūdīh ī andar im dar.

Paragraph: 10     pad mardōmān drust pāyišnīgīh-iz ī hunar ud šāyendagīh wāspuhragānīhā andar tōhmag tōhmag.

Paragraph: 11     ōgrāyišnīgistan (?) rāy pad wizīdagīh paydāg ud abārīg was āhōgān paydāg bōzišn.

Paragraph: 12     ud mādagwarīhā abar-estišnīh ī bun <ī> dēn padīruftār kē ēč hu-paydāg sālār aziš nē ǰud-dādestān.

Paragraph: 13     čand payāmbarān ud waxšwarān mādagwarīhātar andarz ī abēzag ahlaw zardušt az dādār ohrmazd xwad pad ham-rasišnīh ašnawišnīg framān.

Page of ed.: 60 
Next part


This text is part of the TITUS edition of Denkard Book 5.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.