TITUS
Wolfram von Eschenbach, Parzival
Part No. 17
Previous part

Chapter: 17 
17


Verse: 1    [wan ir künde nie gewan
Verse: 2    er noch dehein sin schifman.]

Verse: 3    si tæten sînen boten kunt,
Verse: 4    ez wære Patelamunt.

Verse: 5    daz wart im minneclîche enboten.
Verse: 6    si manden in bî ir goten

Verse: 7    daz er in hülfe: des wære in nôt,
Verse: 8    si enrüngen niht wan umbe den tôt.

Verse: 9    dô der junge Anschevîn
Verse: 10    vernam ir kumberlîchen pîn,

Verse: 11    er bôt sîn dienest umbe guot,
Verse: 12    als noch vil dicke ein ritter tuot,

Verse: 13    oder daz si im sageten umbe waz
Verse: 14    er solde doln der vînde haz.

Verse: 15    dô sprach ûz einem munde
Verse: 16    der sieche und der gesunde,

Verse: 17    daz im wære al gemeine
Verse: 18    ir golt und ir gesteine,

Verse: 19    des solde er alles herre wesen
Verse: 20    und der möhte wol bî in genesen.

Verse: 21    doch bedorfte er wênec soldes:
Verse: 22    von Arâbî des goldes

Verse: 23    hete er manegen knollen brâht.
Verse: 24    liute vinster sô diu naht

Verse: 25    wâren alle die von Zazamanc.
Verse: 26    bî den dûhte in diu wîle lanc:

Verse: 27    doch hiez er herberge nemen.
Verse: 28    des mohte ouch si vil wol gezemen,

Verse: 29    daz si im die besten gâben.
Verse: 30    die vrouwen dennoch lâgen




Next part


This text is part of the TITUS edition of Wolfram von Eschenbach, Parzival.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.