TITUS
Denkard Book 5
Part No. 9
Previous part

Chapter: 9  
Paragraph: 1     abar hu-srawīh ī ēdar ud bōzišn ī ānōh ud pādāšn ī andar har dō.

Paragraph: 2     abē-čarīh ī az-iz ān ī škaft passāxt ī pad tan ī pasēn ud grift<an> ī ān ī abartom mizd kū rāh ī awiš abē-āhangīh ī az wināh ud frāz āhangīh ī ō kirbag.

Paragraph: 3     wināh az ān ī garāntar ast nāmčišt ēn yazdān dušmenīh ud yazdān a-menīh ud abārīg ī andar im dar čiyōn pad hangirdīg dēw-čihragīh nām.

Paragraph: 4     ud xwadāy duš-menīh ud xwadāy nē-dārīh ud framān-spōzīh ī dahibedān nē menīdan ī sālārīh ud sālārān nē padīruftan ud čē pad xwēš nē nēk pad any kas [nē] kardan ud abārīg <a>-dādestānōmandīh čiyōn pad hangirdīg bahr-iz an-ērīh nām.

Paragraph: 5     ud tar-menišnīh ī dēn ud abāz stāyišnīh ī aziš ud nē dāštan ī dastwar ud xwad-dōšagīhā raft<an> ud abārīg andar im dar čiyōn pad hangirdīg čē ag-dēnīh tā čē a-dēnīh nām.

Paragraph: 6     ud nē padīruftan ud nē kardan ī kōšišn ī abāg dēwān ud wattarān ud rāyēnīdan ī paywand ud warzīdan ī gēhān ud tōxšišn ī pad abārīg frārōnīh čiyōn <pad> hangirdīg an-ayārīh nām.

Paragraph: 7     ud pas andar bahrān ana-spāsīh ud penīh ud drōzanīh.

Paragraph: 8     ud andar ōšmurišnān weh duš-menīh ud wattarān šnāyēnīdārīh ud abārīg.

Paragraph: 9     dēw-yazagīh ud ahlaw-ganīh ud ahlamōgīh ud kūn-marz ud ǰādūgīh ud rāh-dārīh ud zan-*rēbīh ud dūdag apparīh ud abārīg.

Page of ed.: 44 
Paragraph: 10     sālārīh appurdārīh ud drō dādwarīh ud drō-čāšīh ud stūr-škennīh ud dūdag a-sālārēnīdārīh ud wad-xwāhīh ud zūr-gugāyīh ud zūr-panāhīh ī pad marg-arzān ud ātaxš ī wahrām ōzad<an> ud nasā-ǰōyīh ud nasā ō ātaxš ud āb burdan ud a-dādīhā pahrēxtan ī tanīhā ud andar zamīg nigān kardan ud a-petītīg marg-puhlīh ud abārīg marg-arzānīhā.

Paragraph: 11     ud babrag ud hāmist sag sarādag ōzadan ud ǰeh ud daštān-marzīh ud abārīg abārōn-marzīh.

Paragraph: 12     ud mastīh ud duz ud stahm ud wanygarīh ud spazgīh ud frēftārīh ud 'šlw'ngyh (?) ud drāyān-ǰōyīh ud wišād-dwārišnīh ud az-pāy-mēzīh ud a-dādīhā srūdan ud hāmist a-dādīh-wāngīh ud abārīg ī pad im šōn.

Paragraph: 13     kirbag čiyōn ka meh-dādestānīh paydāg hamē ān ī meh-dādestānīhātar ān ī meh ast ī nāmčišt ēn yazdān-dōstīh ud xwadāy-dōstīh ud xwadāy-dārīh ud xwadāy-paristīh ud hāmist ērīh ud hu-dēnīh ud weh-dōstīh ud dām-dōstīh ud abārīg ī padīrag ān ī abar wināh guft paydāg.

Paragraph: 14     andar hu-dēnīh āstawānīh pad-iz yašt kardan ō drōn (?) ēd āstawānīh ī ast ērīh ud hu-dēnīh ud yašt kardan ud xwēdōdah ud abestāg yaštan us gāhānbār ud abārīg ptw'l (?) ī yazdān.

Paragraph: 15     wehān mādagwarīhā ahlawān šnāyēnīdārīh ud dēwān ud xrafstarān ud abārīg wattarān zadārīh ud hamēstārīh ud pahrēz ud petītīg<īh> ī az wināh čiyōn nāmčištīgtom abzār ī bōxtišn [ī] rādīh ud rāstīh ud spāsdarīh čiyōn xwad bun hēnd ī ahlāyīh.

Page of ed.: 46 
Next part


This text is part of the TITUS edition of Denkard Book 5.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.