TITUS
Novum Testamentum graece
Part No. 135
Previous part

Chapter: 16 
Verse: 1    Συνίστημι δὲ ὑμῖν Φοίβην τὴν ἀδελϕὴν ἡμῶν, οὖσαν [καὶ] διάκονον τῆς ἐκκλησίας τῆς ἐν Κεγχρεαῖς,
Verse: 2    ἵνα προσδέξησθε αὐτὴν ἐν κυρίῳ ἀξίως τῶν ἁγίων, καὶ παραστῆτε αὐτῇ ἐν ᾧ ἂν ὑμῶν χρῄζῃ πράγματι, καὶ γὰρ αὐτὴ προστάτις πολλῶν ἐγενήθη καὶ ἐμοῦ αὐτοῦ.
Verse: 3    ᾽Ασπάσασθε Πρίσκαν καὶ ᾽Ακύλαν τοὺς συνεργούς μου ἐν Χριστῷ ᾽Ιησοῦ,
Verse: 4    οἵτινες ὑπὲρ τῆς ψυχῆς μου τὸν ἑαυτῶν τράχηλον ὑπέθηκαν, οἷς οὐκ ἐγὼ μόνος εὐχαριστῶ ἀλλὰ καὶ πᾶσαι αἱ ἐκκλησίαι τῶν ἐθνῶν,
Verse: 5    καὶ τὴν κατ' οἶκον αὐτῶν ἐκκλησίαν. ἀσπάσασθε ᾽Επαίνετον τὸν ἀγαπητόν μου, ὅς ἐστιν ἀπαρχὴ τῆς ᾽Ασίας εἰς Χριστόν.
Verse: 6    ἀσπάσασθε Μαριάμ, ἥτις πολλὰ ἐκοπίασεν εἰς ὑμᾶς.
Verse: 7    ἀσπάσασθε ᾽Ανδρόνικον καὶ ᾽Ιουνιᾶν τοὺς συγγενεῖς μου καὶ συναιχμαλώτους μου, οἵτινές εἰσιν ἐπίσημοι ἐν τοῖς ἀποστόλοις, οἳ καὶ πρὸ ἐμοῦ γέγοναν ἐν Χριστῷ.
Verse: 8    ἀσπάσασθε ᾽Αμπλιᾶτον τὸν ἀγαπητόν μου ἐν κυρίῳ.
Verse: 9    ἀσπάσασθε Οὐρβανὸν τὸν συνεργὸν ἡμῶν ἐν Χριστῷ καὶ Στάχυν τὸν ἀγαπητόν μου.
Verse: 10    ἀσπάσασθε ᾽Απελλῆν τὸν δόκιμον ἐν Χριστῷ. ἀσπάσασθε τοὺς ἐκ τῶν ᾽Αριστοβούλου.
Verse: 11    ἀσπάσασθε ῾Ηρῳδίωνα τὸν συγγενῆ μου. ἀσπάσασθε τοὺς ἐκ τῶν Ναρκίσσου τοὺς ὄντας ἐν κυρίῳ.
Verse: 12    ἀσπάσασθε Τρύϕαιναν καὶ Τρυϕῶσαν τὰς κοπιώσας ἐν κυρίῳ. ἀσπάσασθε Περσίδα τὴν ἀγαπητήν, ἥτις πολλὰ ἐκοπίασεν ἐν κυρίῳ.
Verse: 13    ἀσπάσασθε ῾Ροῦϕον τὸν ἐκλεκτὸν ἐν κυρίῳ καὶ τὴν μητέρα αὐτοῦ καὶ ἐμοῦ.
Verse: 14    ἀσπάσασθε ᾽Ασύγκριτον, Φλέγοντα, ῾Ερμῆν, Πατροβᾶν, ῾Ερμᾶν, καὶ τοὺς σὺν αὐτοῖς ἀδελϕούς.
Verse: 15    ἀσπάσασθε Φιλόλογον καὶ ᾽Ιουλίαν, Νηρέα καὶ τὴν ἀδελϕὴν αὐτοῦ, καὶ ᾽Ολυμπᾶν, καὶ τοὺς σὺν αὐτοῖς πάντας ἁγίους.
Verse: 16    ᾽Ασπάσασθε ἀλλήλους ἐν ϕιλήματι ἁγίῳ. ᾽Ασπάζονται ὑμᾶς αἱ ἐκκλησίαι πᾶσαι τοῦ Χριστοῦ.
Verse: 17    Παρακαλῶ δὲ ὑμᾶς, ἀδελϕοί, σκοπεῖν τοὺς τὰς διχοστασίας καὶ τὰ σκάνδαλα παρὰ τὴν διδαχὴν ἣν ὑμεῖς ἐμάθετε ποιοῦντας, καὶ ἐκκλίνετε ἀπ' αὐτῶν·
Verse: 18    οἱ γὰρ τοιοῦτοι τῷ κυρίῳ ἡμῶν Χριστῷ οὐ δουλεύουσιν ἀλλὰ τῇ ἑαυτῶν κοιλίᾳ, καὶ διὰ τῆς χρηστολογίας καὶ εὐλογίας ἐξαπατῶσιν τὰς καρδίας τῶν ἀκάκων.
Verse: 19    ἡ γὰρ ὑμῶν ὑπακοὴ εἰς πάντας ἀϕίκετο· ἐϕ' ὑμῖν οὖν χαίρω, θέλω δὲ ὑμᾶς σοϕοὺς εἶναι εἰς τὸ ἀγαθόν, ἀκεραίους δὲ εἰς τὸ κακόν.
Verse: 20    ὁ δὲ θεὸς τῆς εἰρήνης συντρίψει τὸν Σατανᾶν ὑπὸ τοὺς πόδας ὑμῶν ἐν τάχει. ἡ χάρις τοῦ κυρίου ἡμῶν ᾽Ιησοῦ μεθ' ὑμῶν.
Verse: 21    ᾽Ασπάζεται ὑμᾶς Τιμόθεος ὁ συνεργός μου, καὶ Λούκιος καὶ ᾽Ιάσων καὶ Σωσίπατρος οἱ συγγενεῖς μου.
Verse: 22    ἀσπάζομαι ὑμᾶς ἐγὼ Τέρτιος ὁ γράψας τὴν ἐπιστολὴν ἐν κυρίῳ.
Verse: 23    ἀσπάζεται ὑμᾶς Γάϊος ὁ ξένος μου καὶ ὅλης τῆς ἐκκλησίας. ἀσπάζεται ὑμᾶς ῎Εραστος ὁ οἰκονόμος τῆς πόλεως καὶ Κούαρτος ὁ ἀδελϕός.
Verse: 24    (*η χαρις του κυριου ημων Ιησου Χριστου μετα παντων υμων· αμην*)
Verse: 25    Τῷ δὲ δυναμένῳ ὑμᾶς στηρίξαι κατὰ τὸ εὐαγγέλιόν μου καὶ τὸ κήρυγμα ᾽Ιησοῦ Χριστοῦ, κατὰ ἀποκάλυψιν μυστηρίου χρόνοις αἰωνίοις σεσιγημένου
Verse: 26    ϕανερωθέντος δὲ νῦν διά τε γραϕῶν προϕητικῶν κατ' ἐπιταγὴν τοῦ αἰωνίου θεοῦ εἰς ὑπακοὴν πίστεως εἰς πάντα τὰ ἔθνη γνωρισθέντος,
Verse: 27    μόνῳ σοϕῷ θεῷ διὰ ᾽Ιησοῦ Χριστοῦ [ᾧ] ἡ δόξα εἰς τοὺς αἰῶνας ἀμήν.






Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.